Ezer ez delako amaitzen

Sustatzailea: Intxorta 1937 Kultur Elkartea

Ideia: Joseba Sarrionandia. “Espainiako Gerrako umeak (1936–1939) Hamaika eszena” testuan oinarrituta

Gidoiaren egilea eta zuzendaria: Igor Martín de Vidales

Zuzendari laguntzaileak: Jaime Valverde eta Nerea Lizarralde

Ikastetxe eta ikasle parte-hartzaileak:

Iurretako Juan Orobiogoitia BHI: Laia Areitio, Amaiur Aresti, Enea Arza, Aya Boutaib, Iraia Briñas, Helene del Río, Anartz Esturo, Selene Francisco, Izei Irastorza, Iker Alessandro Magalhaes, Erika Marqués, Aner Oguiza, Miguel Romero de Dios, Haizea Uribarri, Ihintza VillanuevaIrakaslea: Lierni Varela

Zumarraga-Urretxuko JM Iparragirre BHI: June Peña, Miren Lopez, Vika Lesmes, Maddi Ramirez, Doua Lahrach, Kattin Oiartzabal, Naiara Mora, Josep Obando, Maialen Segurola, Maialen Arrizabalaga, Irati Mendiola, Soad Castro, Uxue Marcos, Nerea Callejo, Mariam Hadadi, Sara Haddadi, Nekane Maraña, Irati Tobar, eta Maier Iturri.Irakaslea: Haizea Moreno

Duranako Ikasbidea IPI: Jone Larrañaga, Maialen Martínez de Murguia. Zalantzan: Nahia Musitu eta Iraia GavilánIrakaslea: Ander Elizondo

Durangoko Fray Juan de Zumarraga BHI: Noa Apraiz, Libe Arana, Samba Djau, Uxue Gascon, Saadia Lamkhanter, June Larrañaga, Eva Martínez, Onintze Merin, Naia Mondina, Uzuri Pagai, Endika Soriano, Jacklin Dede Tetteh, Markel Unanue, Argiñe Uribarri, June Uribelarrea, Marina Urrejola.Irakaslea: Amaia Gorostiza

Bilboko Ibarrekolanda BHI: Markel Iragorri, Leire Omeñaca, Iratxe Larrea, Nahia Ruiz, Oier Linaza, Enara Garcia, Iker Uriarte, Agueda Roman, Eider Berrueco, Mara Espin, Aizeti Rotaetxe, Lur Kortabitarte, Maixa Bilbao, Aimar Perello, Amets Perea, Irati Escuredo, Maialen Martin, Noa Bellido, Alison Palomino, Maren Ibabe, Araitz Espinosa, Aran Irastorza, Paula Barrios, Emma Nicholson, June Cabello, Ariane Abajas, Itsaso Cano, Udane Villamor, Nahia Madariaga

Egile koreografikoa Pedro Gallastegiren inguruko dantza piezetan: Lierni Varela

Ekoizpena eta komunikazioa: Loraldia

Antzerkia · musika · mugimendua · memoria historikoa · gazteen ahotsa

1936ko kolpe faxistaren ondoren, milaka haur euskaldunek erbestea hartu behar izan zuten. Haien bizipenak, ordea, ez dira iraganeko pasarte itxiak. Gaur ere gure artean dira, beste forma batzuetan: gerran, migrazioan, indarkerian, arrazakerian eta gorrotoaren diskurtsoetan.

Ezer ez delako amaitzen diziplina anitzeko ikuskizuna da, Euskal Herriko bost ikastetxetako DBH eta Batxilergoko ikasleekin elkarlanean sortua. Antzerkia, musika eta mugimendua uztartuz, collage moduko pieza garaikide bat eraikitzen du, non haur erbesteratuen testigantzak eta gaur egungo gazteen galderak, kezkak eta begiradak eszenan gurutzatzen diren.

Ikuskizun honek memoria historikoa gaurkotu nahi du, eta, aldi berean, erreparazio ariketa bat proposatzen du: isilarazitako bizipenei lekua eman, gazteen ahotsa erdigunean jarri, eta iraganari begiratuz oraina hobeto ulertzeko aukera eskaintzea.

Euskaraz sortutako lan kolektiboa da, gazte eta helduentzat, emozioa eta hausnarketa uztartzen dituena.

Hezkuntza-prozesu batetik sortutako ikuskizuna

Ikuskizun hau ez da soilik eszenaratze bat. Urte osoko transmisio-, ikerketa- eta sorkuntza-prozesu baten emaitza da.

Loraldia Eskola lerroaren baitan, eta Intxorta 1937 Kultur Elkartearekin elkarlanean, ikasleek memoria historikoa landu dute artxibo, testigantza eta dokumentazioaren bidez. Aldi berean, euren begiradatik abiatuta testu, eszena eta proposamen artistiko berriak sortu dituzte.

Ikasgelatik eszenatokira egindako bide horretan, gazteak ez dira parte-hartzaile hutsak: proiektuaren bihotza dira. Haien ahotsak dira memoria hau gaurko hizkuntzan berridazten dutenak.

Proposamen artistikoa

Ezer ez delako amaitzen collage egiturako pieza garaikidea da. Ahotsak, gorputzak, testuak eta soinuak uztartzen ditu, iraganeko pasarteak eta gaurko begiradak elkarrekin jarriz.

Proposamenak galdera bat uzten du airean: benetan amaitu al dira iraganeko zauriak? Edo gaur ere beste itxura batzuetan ageri al dira?

Ikuskizunak emozioa eta hausnarketa uztartzen ditu, eta ikuslea memoria, justizia eta erreparazioaren inguruko gogoetara gonbidatzen du.

Proposamen honek ez du memoria leku estatiko batera eramaten. Kontrakoa egiten du: bizirik dagoen galdera bihurtzen du, gaurko gizarteari zuzendua. Izan ere, historia ez da beti lineala; batzuetan errepikatu egiten da. Horregatik, iragana ezagutzea ezinbestekoa da gaurko bidegabekeriak identifikatzeko eta haiei aurre egiteko.