SARRERAK

“OTS” Loraldia Festibalean: dantzaren bidez Herri Gogoa zigiluaren memoria eszenara

  • Herri Gogoa zigilu historikoaren espiritua berrinterpretatzen duen dantza garaikideko ikuskizuna.
  • Haatik Dantza Konpainia eta Jone San Martin koreografoa oholtzan, memoria eta artea uztartzen.
  • Loraldiak Lorazain Eguna ospatuko du emanaldi honekin, Loraldia zaleen komunitateari babesa eskertzeko ekintza.

 

Loraldia Festibalak Haatik dantza konpainiaren “OTS” ikuskizun berria aurkeztuko du eta Lorazain Eguna ospatuko du emanaldi honekin.
Martxoaren 15ean, larunbatean, 20:00etan, Euskalduna Bilbaon, Haatik Dantza Konpainiak “OTS” izeneko ikuskizun berezia aurkeztuko du. Dantza garaikidea, musika eta oroitzapena uztartzen dituen obra honek euskal kultura biziberritu zuen Herri Gogoa zigilu diskografikoaren legatua berrikusten du.

 

Herri Gogoa: euskal kultura biziberritzeko bultzada

1967an sortu zen Herri Gogoa zigilu diskografikoa, euskal kantu berriaren eta Ez Dok Amairu mugimenduaren adierazgarri nagusietako bat. Zentsura frankistaren ondorioz, zigiluak ez zuen inoiz ofizialki existitu, baina hala ere, 200 disko baino gehiago argitaratu zituen, euskal kultura biziberritu eta berritzeko helburuarekin. Herritarren babes finantzarioari esker, proiektuak aurrera egin zuen, abangoardiako mugimendu kultural baten ikur bihurtuz.

 

“OTS”: dantzaren bidez memoria eta emozioa berreraikitzen

“OTS” ez da dantza garaikideko lan soil bat; euskal kulturaren memoria kolektiboaren bidaia emozionala da. Ikuskizunak Herri Gogoa zigiluaren espiritua berrinterpretatzen du, garai hartako musika eta mugimendu kulturalaren eragina dantzaren bidez transmitituz.

Haatik Dantza Konpainiak, Jone San Martin koreografoaren gidaritzapean, dantzaren bidez artea eta herri-kontzientzia uztartzen ditu. Manu Gaine soinu-arduradunak musika eta biniloen gordintasuna agerian jartzen ditu, ikus-entzunezko ikuskizun garaikide bat sortuz.

 

Lorazain Eguna, Loraldiako komunitatearen ospakizuna

Loraldia Festibalak bere hirugarren edizioan sortu zuen Lorazain Eguna, eta harrezkero urtero ospatzen du. Lorazain Eguna Loraldiak sortutako komunitatearen (Lorazainak deiturikoak) ospakizun eguna da. Lorazainek prezio berezia izaten dute Loraldia Festibaleko ekitaldi guztietan eta Lorazain Egunean doakoa da ekintza guztientzako.

Lorazainak euskal kulturaren eta Loraldiaren zaleen komunitatea da, Loraldia zaintzen dutenak. Doakoa da Lorazain egitea, eta webgunetik egin daiteke prozesu osoa. Gainera, abantailak baino ez ditu ekartzen: Festibalean eta urtean zehar egiten diren ekintza desberdinen informazio esklusiboa eta aurretiazkoa; urtean zehar egiten diren ekintza berezi batzuetan parte hartzeko aukera; Ikuskizun berezi eta esklusiboetan parte hartzeko aukera izatea; Loraldiak antolatzen dituen ekitaldietarako sarrerak prezio murriztuan eta lehentasunez erosteko aukera; eta opari bereziak jasotzeko aukera.

Egun, 3600 lagun baino gehiagok osatzen du Lorazainen komunitatea.

 

Ekitaldiaren xehetasunak

 

Ez galdu aukera “OTS” ikuskizunaz gozatzeko, non dantza, musika eta oroitzapena bat egiten duten, euskal kulturaren abangoardiari gorazarre egiteko.

SARRERAK