Euskaraz sortzen diren kultur adierazpen anitzek lekua dute Loraldia Festibalean. Are gehiago, Loraldia agente dinamizatzailea bilakatu da eta sortzaileak zirikatu izan ditu lurralde berriak ikertzeko, inoiz agian uste izango ez luketen diziplinak lantzeko, ikuskizun erakargarriak sortzeko eta euren sormena Bilboko erdigunera ekartzeko.
Loraldia Festibalak lekua egin dio sormenari, hitz handitan. Sortzaile berriak deskubritu ditu, proposamen ausartak plazaratu ditu, emakume sortzaileei plaza eta protagonismoa eskaini die, sortzaileen arteko lankidetza sustatu du, iturri zaharretik edan eta unibertso berrietara zabaldu du euskaraz sortutako kultura. Bilbo bilakatu dugu euskal kulturaren plaza handia urtero hilabete batez. Eta emozioak piztu ditu.
Urte hauetan komunitate sendoa sortu dugu inguruan. Lorazainaren figura martxan jarri genuenetik ia 1800 lagun bildu ditugu. Kulturzale norbanako hauekin interakzioa eta harreman estua sustatzeko ekintza ezberdinak bideratzen ditugu.
Ni nagusiki: euskal kultur industriaren sustapena, honek ikusgarritasuna irabaz dezan; eta euskal kulturaren transmisioa eta gizartean hedatzea.
Loraldiak bere ibilbidea Festibala bat bezala hasi batzuen ere, egun zazpi lan arlo ditu: Festibala (Bilbon eta udaberriaren hasierarekin batera); Produkzioak (gure produkzio propioak sortzen ditugu); Plaza (Festibalaren esperientzia beste herri batzuetara eramateko); Gaztea (publiko honetarako bereziki sortutako egitasmoak bideratuz); Eskola (euskal kuturaren transmisioa hezkuntza arloan bideratzeko); Digitala (formato digital eta narratiba berriak sortzeko laborategia); eta Lorazainak, gure jarraitzaile eta zaleen komunitatearekin bideratzen ditugun ekimenak.
Ez, Loraldiaren lana Euskal Herri eta mundu osora begira bideratzen da. Nahiz eta Bilbon jaiotako proiektua izan, guk ez dugu esparru geografiko batera mugatzen.
