Loraldia Eskola Loraldiaren hezkuntza-arloa da: euskal kulturaren transmisioa haur, gazte eta hezkuntza-komunitatearekin lantzeko sortutako lan-lerroa. Gure helburua da belaunaldi berriak euskarazko kulturaren unibertsora hurbiltzea, modu erakargarri, garaikide eta parte-hartzailean.
2017an abiatu zenetik, Loraldia Eskolak 29 ikastetxetan jardun du, 59 proiektu garatu ditu eta 2.611 haur eta gaztetik gora inplikatu ditu. Esperientzia horrek erakutsi digu transmisioa ez dela soilik edukia ematea: lotura sortzea, jakin-mina piztea eta kultura bizipen bihurtzea ere badela.
Ikastetxeekin elkarlanean garatzen ditugun proposamenak dira. Euskal kultura ikasgelara eramaten dugu, ikasleen adinera, testuingurura eta beharretara egokitutako proiektuen bidez. Diziplina artistiko ezberdinak ezagutu, praktikatu eta bizitzeko aukera eskaintzen dugu, sormenari, adierazpenari eta parte-hartzeari lekua eginez.
Urtero antolatzen dugun topagunea da, hezkuntzaren eta kultur transmisioaren inguruan hausnartzeko, partekatzeko eta saretzeko. Irakasleak, hezitzaileak, kultur eragileak eta adituak elkartzen dira euskal kulturaren transmisioari buruzko ikuspegiak, praktikak eta erronkak mahai gainean jartzeko.
Kultura-proposamenen eta publikoen artean zubiak eraikitzeko lana da. Mediazioaren bidez, esperientzia artistikoak hobeto prestatu, testuinguratu eta sakontzen ditugu, ikasleek, irakasleek eta komunitateak kultur edukiekin lotura esanguratsuagoa eraiki dezaten.
Euskal kulturarekiko lotura bizia eta gaurkotua lantzen dugu, belaunaldi berriei begira.
Ikasleen parte-hartzea, adierazpena eta irudimena aktibatzen ditugu.
Urteetako ibilbidea dugu hezkuntza eta kultura uztartzen, proiektu erreal eta kontrastatuekin.
Euskarazko kultura gaurko lengoaia, formatu eta interesetara ekartzen dugu.
Ikastetxea, hezkuntza-eragilea edo kultur transmisioan interesa duen profesionala bazara, ezagutu Loraldia Eskolak eskaintzen dituen bideak eta jarri gurekin harremanetan.
