GAZTEEI ZUZENDUTAKO TUTORETZAPEKO KULTUR SORMEN EGONALDIA

Zure sormen-proiektuak behar duen bultzada laguntza hauspoa indarra denbora baliabidea

Loraldiak gazte sormena sustatu nahi du eta horretarako kultur sormen-egonaldia aurkezten du.
Lekeition eta aste oso batez, kultur-proiektuak sortzeko tutoretzapeko egonaldia proposatzen dugu.

HELBURUAK

Gazte-sormena sustatzea
Sortzaile gazteek haien proiektuei forma emateko eta sortzeko aukera ematea
Erreferente dituzten sortzaileen tutoretzapean egitasmoak bultzatzeko aukera eskaintzea
Euskarazko kultur garaikideko diziplina anitzetan egitasmoak sortzea

TEATRO-TESTU BAT EDO KANTA BAT ONDU NAHI DUZU? DANTZA KOREOGRAFIA BAT BIRIBILDU NAHI DUZU? POESIA EDO NARRAZIO BAT IDATZI NAHI DUZU ETA EZ DAKIZU NONDIK HASI? IKUS-ENTZUNEZKO IDEIA BAT DUZU ETA EZ DAKIZU NOLA ANTOLATU? Hemen duzu aukera!

EZAUGARRIAK

Arloak: kulturak dituen arlo guztiak: dramaturgia/gidoigintza, teatroa, dantza, musika, bertsolaritza, ikus-entzunezkoak, performancea…

Nori zuzendua: 30 urte beherako gazteentzat.

Egonaldiaren helburua: sormen-prozesua abiatzea. Ez da ezinbestekoa sormena gauzatzea edo bukatzea. Sormen-prozesua da helburua.

Noiz: ekainaren 23tik 26ra bitartean.

Non: Lekeition (Bizkaia).

PARTE HARTZEKO OINARRIAK ETA BALDINTZAK

Hemen sakatu egitasmoaren ezaugarriak eta parte hartzeko baldintzak ezagutzeko.

PARTE HARTZEKO EPEA: martxoaren 1era arte

ZEINEK HAR DEZAKE PARTE

30 urte beherako gazteak
Taldeka edo banaka aurkeztu daitezke proiektuak
Egitasmo bat buruan dituztenak eta honi bultzada emateko laguntza behar dutenak
Proiektua euskara hutsez garatu behar da
Loraldiak aurkeztutako egitasmoak baloratuko ditu eta bat edo batzuk hautatuko ditu

LORALDIAK ZER ESKAINTZEN DUEN

Gehienez 4 eguneko egonaldia
Sormen-egonaldian lan egiteko baliabideak: aretoa eta baliabide teknikoak
Tutoretza eta aholkularitza: proiektuaren izaeraren arabera, euskal kulturako erreferente profesional batek tutorizatuko du prozesua, aholkularitza artistiko eta teknikoa eskainiz
Ostatua eta mantenu-erdiko dietak (gosaria eta bazkaria)
Egonaldia bukatuta, Loraldiak bermatuko du turorearen eta egitasmoaren sortzaile/sortzaileen artean proiektuaren jarraipena egin ahal izateko kontaktu puntu bat
Sormen-egonaldiko egunetan Loraldiak Lekeition eta Markinan arratsaldetan kultu-ekintzak antolatuko eta eskainiko ditu. Sormen-egonaldian parte hartzen dutenek doako sarrera izango dute ekintza hauetara.

DEIALDIAREN EGUTEGIA

Urtarrilak 28 – martxoak 1: proposamenak aurkezteko epea
Martxoak 1-29: ebaluaziorako epea
Martxoak 31: Loraldiak aukeratutako egitasmoa/en arduradunari komunikatuko die
Apirilak 3: Loraldiak publiko egingo du erabakia