PROPOSAMENAK JASOTZEKO DEIALDIA

Sortzaile gaztea zara? Euskaraz sortzen duzu? Zure lana publikoaren aurrean erakusteko plaza baten bila zabiltza?

Bidea Bidean Bide Loraldiak sortzaile gazteei eskaintzen dien plaza da: lehen agertokia, lehen aukera, lehen jendaurreko esperientzia.

Loraldia Gaztea lan-lerroaren barruan kokatutako egitasmo honen bidez, euskarazko sormen gaztea sustatu, ikusarazi eta lagundu nahi dugu. Horregatik, deialdi hau ireki dugu: proposamen artistikoak, produkzioak edo sormen-proiektuak jasotzeko.

Bidea ez dago eginda.
Bidean egiten da.

Eta zure proposamena izan daiteke bide horren parte.

NORI ZUZENDUTA DAGO?

Deialdia 30 urte baino gutxiagoko sortzaileei zuzenduta dago.

Parte hartu ahal izango dute:

Banakako sortzaileek.
Taldeek edo kolektiboek.
Diziplina bakarreko edo diziplina arteko proposamenek.
Lehen plaza edo jendaurreko esperientzia baten bila dauden proiektuek.
Sorkuntza prozesuan dauden lanek, betiere publikoaren aurrean erakusteko gutxieneko garapen maila badute.

Taldeen kasuan, sortzaile nagusien edo parte-hartzaileen gehiengoaren adina hartuko da kontuan.

ZER NOLAKO PROPOSAMENAK AURKEZ DAITEZKE?

Kultur eta sormen arlo guztietako proposamenak aurkez daitezke:

Musika
Antzerkia
Dantza
Bertsolaritza
Literatura
Poesia
Performancea
Ikus-entzunezkoak
Arte plastikoak edo bisualak
Gastronomia
Sormen digitala
Diziplina arteko proposamenak
Formatu esperimentalak

Proposamenek euskarazko sormenarekin lotura argia izan beharko dute. Osorik edo nagusiki euskaraz sortutako lanak lehenetsiko dira.

EPEAK

Dealdia zabalik dago 2026ko udazkeneko programazioa ondu ahal izateko.
Aurkezteko azken eguna: 2026ko uztailaren 15a.
Porposamenak jaso eta aztertu ahala interesetatuekin jarriko gara harremanetan.

HAUTAKETA IRIZPIDEAK

Proposamenak baloratzeko orduan, honako irizpideak hartuko dira kontuan:

Sortzailearen edo taldearen adina eta Loraldia Gaztearen xedearekin duen lotura.
Proposamenaren interesa, originaltasuna eta nortasun artistikoa.
Euskarazko sormenari egiten dion ekarpena.
Jendaurrean erakusteko duen bideragarritasuna.
Formatuaren egokitasuna Bidea Bidean Bide programarako.
Esperimentaziorako eta lengoaia berriak probatzeko borondatea.
Emakume-sorkuntzaren presentzia.
Diziplina arteko begirada edo kultur aniztasuna.
Proiektuak publiko gaztearekin edo publiko berriekin konektatzeko duen ahalmena.

Loraldia taldeak eskubidea izango du proposamenik ez hautatzeko, aurkeztutako lanek programaren helburu edo baldintzekin bat egiten ez badute.