Loraldian sinesten dugu euskarak etorkizuna duela baldin eta gaur egungo hizkuntzaz eta formatuaz mintzo bada.
Horregatik sortu genuen Sormen Digitala Beka, euskarazko sorkuntza digitala sustatzeko urteko deialdia.
Digitalizazioa ez da soilik tresna teknologiko bat; narrazio berriak sortzeko, publiko gazteengana iristeko eta euskarazko kultura garaikidea indartzeko aukera paregabea da.
Gure helburua da sortzaileei bidea ematea euskarazko edukien bidez eremu digitalean presentzia nabarmena izateko.
Zergatik Sormen Digitala Beka?
Sorkuntza digitala bultzatzeko, euskaraz eta formatu berritzaileetan.
Sortzaile berriei ateak irekitzeko, euren ideiak garatu eta proiektuak gauzatu ahal izan ditzaten.
Publiko berriak euskarara erakartzeko, bereziki gazteak eta eremu digitalean bizi diren komunitateak.
Euskarazko kulturaren transmisioa eta berrikuntza uztartzeko, tradizioa eta abangoardia elkarlotuz.
Nori zuzendua dago?
Beka hau sortzaile, artista eta eduki-egileei zuzenduta dago, bakarka zein taldeka, euskarazko sorkuntza digitala landu nahi duten guztiei. Multimedia, bideo, sare sozialetarako eduki, podcast, errealitate areagotua… formatuak anitzak izan daitezke, betiere ikuspegi sortzaile, berritzaile eta garaikide batetik.
Urtero deialdi berria irekitzen da, eta edizio bakoitzak bere berezitasunak eta erronkak ekartzen ditu. Atal honetan, Beka Digitalaren ikuspegi orokorra aurkituko duzu; beheko orrialdeetan, berriz, edizio bakoitzaren xehetasunak eta hautatutako proiektuak.
Euskaraz sortu, partekatu eta bizitzeko garaia da.
SORMEN DIGITALA BEKAREN EDIZIOAK
Babeslea
